Azerpocht DM Bakının 36 poçt şöbəsində Western Union sistemi üzrə poçt pul köçürmələri həyata keçirir. Müəssisənin informasiya texnologiyaları və texniki dəstək şöbəsinin başçısı Elman Vəliyevin Trend ə verdiyi məlumata görə, hazırda bu sistem Naftalanda və Goranboyda tətbiq edilib.
Onun sözlərinə görə, müəssisə ilin sonunadək Şəmkir, Tərtər, Ağstafa, Bərdə, Gədəbəy, Daşkəsən, Gəncə, Xanlar, Mingəçevir, Samux, Tovuz və Yevlaxda analoji xidmətlər tətbiq etmək niyyətindədir.
Parabank KB və Azerpocht DM arasında bu sistemin tətbiqi ilə bağlı imzalanmış sazişə əsasən, bu köçürmələr ilk dəfə 2005-ci il oktyabrın 10-11-də 1 və 11 saylı poçt şöbələrində həyata keçirilib.