Bakı. Trend:
Özbəkistana səfərim İqtisadi Əməkdaşlıq Təşkilatına üzv ölkələrlə əlaqələrimizi gücləndirəcək/
Trend-in TurkicWorld-ə istinadən məlumatına görə, bunu Türkiyə prezidenti Rəcəb Tayyib Ərdoğan deyib.
"Sammit çərçivəsində biz regiondaxili ticarətin yaxşılaşdırılması, təchizat zəncirinə təsir edən problemlərin aradan qaldırılması, regionun enerji resurslarından səmərəli istifadə, ölkələrimiz arasında nəqliyyat vasitələrinin gücləndirilməsi kimi bir çox məsələləri müzakirə etdik. Biz həyata keçirilən cari layihələrin vəziyyəti ilə də məsləhətləşdik. Mən vurğuladım ki, biz İqtisadi Əməkdaşlıq Təşkilatının Ticarət Sazişini dərhal qüvvəyə mindirməliyik. İstanbulda ev sahibliyi etdiyimiz Ekobankın institusional və maliyyə imkanlarının artırılması lazım olduğunu bildirdik. Təşkilat çərçivəsində, turizm sahəsində əməkdaşlığın gücləndirilməsi də gündəmimizdə olan digər məsələlərdən idi",- deyə Ərdoğan bildirib.
Ərdoğan qeyd edib ki, sammit zamanı biz qarşılıqlı investisiyaların və bazar payının artırılmasına da diqqət yetirdik. Ticarətin inkişafı baxımından çoxtərəfli nəqliyyat dəhlizlərinin dəstəklənməsinin vacibliyinə diqqət çəkdim. Bu baxımdan bazar keçidi ilə şərq-qərb mərkəzi dəhlizinin əhəmiyyətinə və bu xəttin inkişafına da toxundum.
"Səfərim İqtisadi Əməkdaşlıq Təşkilatına üzv ölkələrlə əlaqələrimizi və qardaşlığımızı gücləndirəcək və qəbul etdiyimiz qərarların faydalı olacağına ümid edirəm",- deyə Türkiyə prezidenti vurğulayıb.