Azərbaycan, Bakı, 6 aprel /Trend, müxbir K.Zərbalıyeva/
Bakı Metropoliteninin Məşədi Əzizbəyov stansiyasına partlayıcı qurğu qolyulması barədə məlumat təsdiqini tapmayıb.
Fövqəladə Hallar Nazirliyinin mətbuat xidmətindən Trend-ə verilən məlumata görə, Məşədi Əzizbəyov stansiyasında partlayıcı qurğu yerləşdirilməsi barədə məlumat alan nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilib, aidiyyəti qurumlar məlumatlandırılıb.
Xilasedicilərin hüquq-mühafizə orqanlarının mütəxəssisləri ilə birgə apardıqları axtarış işləri nəticəsində həmin metro stansiyasının ərazisində şübhəli əşya aşkar olunmayıb.