Azərbaycan, Bakı, 6 aprel / Trend müxbir K.Zərbalıyeva/
Bakıda dənizdə çimmək istəyən 23 yaşlı gənc batıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, nazirliyin "112" qaynar telefon xəttinə daxil olmuş məlumata əsasən, Bakı şəhəri, Xəzər rayonunda 1989-cu il təvəllüdlü Ricat Ağalar oğlu Əliyev çimmək məqsədilə dənizə girib və batıb.
Fövqəladə Hallar Nazirliyinin dalğıc-xilasediciləri qeyd olunan şəxsin axtarışlarına başlayıb.