Bakı. Trend:
İsrail ordusu Qəzza zolağında Fələstinin "HƏMAS" hərəkatının hərbi qanadının rəsmi nümayəndəsi Əbu Ubeydəni zərərsizləşdiriblər.
Trend-in məlumatına görə, bu barədə İsrailin müdafiə naziri İsrael Katz "X" sosial şəbəkəsində yazıb.
"HƏMAS terroruçularının mətbuat katibi Əbu Ubeydə Qəzzada məhv edilib və İran, Qəzza, Livan və Yəməndən olan bütün öldürülən şər üzvləri ilə Cəhənnəmin dibində görüşmək üçün göndərildi", - deyə o bildirib.
O, İsrail hərbçilərinin fəaliyyətini yüksək qiymətləndirib və HƏMAS liderlərini məhv etməyə davam edəcəyinə söz verib.