Bakı. Trend:
Fövqəladə Hallar Nazirliyinin “112” qaynar telefon xəttinə Bakı şəhəri, Xətai rayonu, Bakı Ağ Şəhər Bulvarı ərazisində 1 nəfərin dənizdə batma təhlükəsində olması barədə məlumat daxil olub.
Trend xəbər verir ki, bu barədə FHN məlumat yayıb.
Məlumat daxil olan kimi hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Bakı-bulvarı” dalğıc-axtarış qrupu cəlb edilib.
Dalğıcların həyata keçirdiyi operativ xilasetmə əməliyyatı nəticəsində dənizdə batma təhlükəsində olan 1993-cü il təvəllüdlü N.Əlizadə, Dənizkənarı Bulvar İdarəsinin Mühafizə xidmətinin əməkdaşının iştirakı ilə xilas edilərək aidiyyəti qurumlara təhvil verilib.