Solford Universitetinin (İngiltərə) professoru, Avropa Araşdırmaları İnstitutunun Avropa İttifaqı və beynəlxalq təhlükəsizlik üzrə aparıcı mütəxəssisi Kamil Zvolski (Kamil Zwolski) xüsusi olaraq Trend üçün
BMT Baş Assambleyasının sentyabrın 23 - də keçirilmiş 63-cü sessiyasının gedişində BMT və NATO liderləri əməkdaşlıq haqqında razılaşma imzalayıblar. Bu razılaşma Rusiyanın narazılığına səbəb olub. Rusiya Federasiyasının BMT-dəki daimi nümayəndəsi Dmitri Raqozin ittihamedici bəyanatla çıxış edərək, bu təşkilatların rəhbərlərinin Qətnaməni məxfi surətdə, "yorğan altında"imzaladıqlarını bəyan edib.
BMT- nin rəhbərliyi cavab olaraq bildirib ki, NATO ilə razılaşma Təşkilatın üzv ölkələrinin təsdiqini tələb etməyib.
Razılaşmanın legitimliyini qiymətləndirmək çətindir, çünki NATO-nun rəhbərliyi təkid edir ki, Rusiya danışıqlar haqqında tam məlumatlandırılsın. Prosesin, xüsusilə də Gürcüstandakı münaqişənin gərginləşməsi dövründə, daha da şəffaf olması yaxşı olardı. Bu razılaşmanın Rusiyaya mənfi təsir edəcəyi inandırıcı görünmür. Burada yalnız onun Avropa təhlükəsizlik strukturunun müəyyənləşdirilməsi üzrə göstərdiyi səylərinin puça çıxmasını istisna etmək olar. BMT razılaşmanı imzalamaqla, NATO-nu qeyd -şərtsiz əhəmiyyətlı təşkilat kimi təsdiq edib, bir sözlə, elə bir hərəkət edib ki, Rusiya onunla heç cür razılaşa bilməz.
BMT - NATO razılaşmasının məntiqi aydındır və o, NATO - nun yeganə mövcudluq anlamına uyğundur. "Yaxşı olardı ki, soruşulsun: soyuq müharibədən sonra NATO lazımdırmı? Bizim bütün dünya üzrə missiyamız var. Buna görə də yəqin ki, NATO - nun ı öz rolu var", - Blokun rəsmi nümayəndəsi 2007-ci ildə Maastrix Universitetində keçirilən mühazirədə deyib.
BMT-nin nümayəndəsi Mişel Montas da aydınlaşdırıb ki, bu razılaşma BMT və NATO arasında əməkdaşlığın yeni forması haqqında deyil və sadəcə olaraq, mövcud əməkdaşlığı rəsmiləşdirir. NATO, keçmiş Yuqoslaviyada keçirilən əməliyyatlar və təbii fəlakətlərdə göstərilən yardımlar daxil olmaqla, soyuq müharibədən sonrakı hadisələrdə BMT-nin mandatı üzərində işləyib.
Lakin sentyabrda imzalanmış razılaşma yalnız status-kvonu təsdiq edirdisə, onda bu barədə məlumatın hansı səbəbdən NATO - nun saytında dərc edilməməsi təəccüb doğurur. Saytda hətta "NATO-nun BMT ilə münasibətləri"adı altında xüsusi bölmə də var. Bu fakt Rusiyanın NATO - nu düşmən blok kimi qəbul etməsi fikrini möhkəmləndirir.
Müəllifin fikri Trend İnformasiya Agentliyinin redaksiyasının fikri ilə üst - üstə düşməyə bilər.