Azərbaycan, Bakı, 31 may /Trend, müxbirlər A.Bədəlova, E.Tarıverdiyeva/
Azərbaycan "Eurovision 2012" mahnı müsabiqəsinə möhtəşəm ev sahibliyi etdi. Bu barədə cümə axşamı Trend-ə fransalı senator Natali Qule bildirib.
"Bakı coşqun hazırlıq ritmində nurlu şəhərə çevrildi", - Qule deyib.
O hesab edir ki, "Eurovision" Azərbaycan üçün texnoloji "nou-hau"sunu nümayiş etdirmək, habelə qonaqları qeyri-adi qəbul etmək qabiliyyəti barədə dünyaya xatırlatmaq, o cümlədən xeyirxah və diqqətli xalq sayəsində dünyaya dostsevərlik və aşkarlıq haqqında bəyan etmək baxımından əla imkan oldu.
"Azərbaycanın ev sahibliyi tam uğur idi. Bu, şərabın təsiri altında deyilən söz deyil. Ölkə haqqında heç nə bilməyən insanlardan gələn tənqid hələ bir az qəbulediləndir, əks təqsdirdə onlar bilərdilər ki, Azərbaycan strateji və iqtisadi baxımdan regional sabitliyin möhkəmləndirilməsi işində iri oyunçudur", - o qeyd edib.
Qule vurğulayıb ki, İran və Rusiya arasında sıxışdırılan və Ermənistanla müharibə nəticəsində ölkəyə axın edən milyon qaçqına malik olan Azərbaycan hökuməti Ermənistan tərəfindən ərazisinin 20 faizinin işğal edilməsinə rəğmən, ağıllı siyasət yürüdür.
"Əlbəttə ki, ölkədə hər şey mükəmməl deyil, lakin biz uyğun gələni müqayisə etməliyik. Bakıda erməni kilsəsi var, işğal edilmiş ərazilərdəki bütün məscidlərin binaları və Azərbaycan qəbiristanlıqları isə dağıdılıb", - Qule bildirib.
Onun sözlərinə görə, müsəlman ölkəsi olan Azərbaycanda böyük yəhudi icması antisemitizmlə üzləşmir və bənzər sözləri xristian və digər dinlərin nümayəndələri haqqında söyləmək mümkündür.
"Bakı çoxmədəniyyətlilik və aşkarlıq nümayiş etdirir", - o əlavə edib.