Bakı. Trend:
3 sentyabr tarixində Bakı Təşəbbüs Qrupu tərəfindən "Qəmər Adaları İttifaqının Mayot adasının Fransa tərəfindən qeyri-qanuni işğalı" mövzusunda beynəlxalq konfrans keçirilib.
Trend xəbər verir ki, konfransda Qəmər Adaları İttifaqının BMT-də, Cənubi Afrikada və digər regionlarda fəaliyyət göstərmiş səfirləri, “Maore Komitəsi”, “Üçüncü Yol Kollektivi (C3V)”, “Demokratik Cəbhə”, “Qəmər adalarının bütövlüyü və suverenliyinin müdafiəsi üzrə Kollektiv” təşkilatları, Mayot adasının təmsilçiləri, o cümlədən, Azərbaycanda fəaliyyət göstərən diplomatik korpusların nümayəndələri, habelə səfirlər, Beynəlxalq təşkilatların nümayəndələri, professorlar, ekspertlər, Beyin mərkəzlərinin təmsilçiləri və media nümayəndələri iştirak edib.
Konfrans zamanı Mayotun işğalı ilə əlaqədar BMT Təhlükəsizlik Şurası və Baş Assambleyası tərəfindən qəbul edilmiş çoxsaylı qətnamələr, Fransanın bu qətnamələrə əməl etməməsi və Qəmər Adaları İttifaqının beynəlxalq səviyyədə ərazisi kimi tanınan Mayot adasını azad etməmək üçün istifadə etdiyi qeyri-qanuni fəaliyyətlər haqqında geniş fikir mübadiləsi aparılıb. Mayotun “referendum” vasitəsilə Fransaya birləşdirilməsi və Qəmərlilərə vurulmuş ziyan, həmçinin, Fransız müstəmləkəçiliyinin nəticələri barədə ətraflı məlumat verilib.
Qəmər Adalarının təmsilçiləri bildiriblər ki, Fransa BMT Təhlükəsizlik Şurasının daimi üzvü statusundan istifadə edərək məqsədli şəkildə Mayotun işğalı məsələsini lokallaşdırıb, eləcə də işğal faktının beynəlxalq təşkilatlar səviyyəsində saxlanılmasına imkan vermir, bununla bağlı bütün təşəbbüsləri bloklayıb.
1995-ci ildən bəri Fransa BMT-də Mayotun işğalı ilə bağlı qətnamələrin qəbul olunmaması ilə bağlı digər dövlətlərə təziq göstərir, bundan əvvəl qəbul olunmuş sənədləri icra etməkdən boyun qaçırır.
Konfrans çərçivəsində flaşmod təşkil edilərək Qəmər Adaları İttifaqının ərazi bütövlüyünə tam dəstək ifadə olunub.
Tədbirin sonunda iştirakçılar tərəfindən Yekun Bəyanat qəbul edilib. Eyni zamanda, Maore Komitəsi ilə Bakı Təşəbbüs Qrupu arasında əməkdaşlığa dair Memorandum imzalanıb.
Qeyd edək ki, Maore Komitəsinin əsas hədəfi Mayotu Qəmər Adaları ittifaqının tərkibinə qaytarmaqdır.
xxx
10:11
Bakıda Bakı Təşəbbüs Qrupunun təşkilatçılığı ilə Fransanın işğalı altında olan Mayot adasına həsr olunmuş beynəlxalq konfrans keçirilir.
Trend xəbər verir ki, "Qəmər Adaları İttifaqının Mayot adasının Fransa tərəfindən qeyri-qanuni işğalı" adlı konfransda Fransanın işğalına qarşı mübarizə aparan və Mayot adasının Qəmər Adaları İttifaqının tərkibinə geri qayıtmasına çalışan Qəmər Adaları İttifaqı, o cümlədən, Mayot adasının ictimai-siyasi xadimləri, elmi dairələrinin nümayəndələri, hüquq müdafiəçiləri, qeyri-hökumət təşkilatlarının rəhbərləri, siyasi partiyalarının üzvləri, habelə Azərbaycanda akkreditə olunmuş diplomatik korpusun nümayəndələri iştirak edir.
Konfransda Qəmər Adalarında Fransanın müstəmləkəçilik tarixi, Mayotun Fransa tərəfindən işğalı və bunun nəticəsində qəmərlilərə vurulmuş ziyan, Fransanın bu bölgədə müstəmləkəçilik siyasətinin geosiyasi və iqtisadi maraqları, habelə Qəmər Adaları İttifaqının Mayot adası ilə bağlı beynəlxalq təşkilatların mövqeyi müzakirə olunur.
Xatırladaq ki, bu tədbir beynəlxalq hüquq çərçivəsində müstəmləkəçilik siyasəti ilə mübarizə aparan xalqlara dəstək göstərən Bakı Təşəbbüs Qrupunun son 1 ildə keçirdiyi 16-cı beynəlxalq tədbiridir.
Mayot adasınından olan Tohiri Mohammed Bakıda Bakı Təşəbbüs Qrupunun təşkilatçılığı ilə Fransanın işğalı altında olan Mayot adasına həsr olunmuş beynəlxalq konfransda çıxışı zamanı deyib ki, Mayot adası ölümün astanasındadır.
Onun sözlərinə görə, Qəmər xalqı ötən illərdə bir çox fəlakətlər yaşayıb.
“Fransa qondarma sərhədlər yaradaraq Mayot adasında yaşayan eyni kökdən olan xalqların hərəkətinə süni əngəllər yaradıb. Fransa eyni kökdən olan xalqları ayırmağa çalışır. Qamər xalqına tətbiq edilən viza rejimi insanlar üçün ciddi problemlər yaradır. Xüsusilə sağlamlıqla bağlı yaxın ərazilərə getmək üçün belə viza almaq lazımdır”.
Onun sözlərinə görə, Fransanın apardığı müstəmləkə siyasəti nəticəsində minlərlə insan həyatını itirib, minlərlə insan isə ölümlə üz-üzədir.
“İmkan verilmir ki, Qəmər əhalisi rahat şəkildə yaşasın, hərəkət etsin. Vanbuşu əməliyyatında Fransa bir çox silahlı qüvvələrinin hesabına insanların evləri yandırıldı, öldürüldü, insanlar doğma evlərindən qovuldu”.
Komor səfiri Thabit Ahmed Bakıda Bakı Təşəbbüs Qrupunun təşkilatçılığı ilə Fransanın işğalı altında olan Mayot adasına həsr olunmuş beynəlxalq konfransda çıxışı zamanı deyib ki, Fransa çalışır ki, öz müstəmləkəçiliklərini davam etdirsin. Fransa bu gün daha güclü şəkildə bütün Komor ərazisində müstəmləkəçiliklə məşğuldur.
O qeyd edib ki, Fransa ordusu hələ də Komor ətrafındakı dəniz sularına nəzarət edir.
“Fransa qəmərlilərin öz ərazilərində hərəkətlərinə mane olmaq üçün bunu edir. Bu işğalın daha bir mənfi təsiri odur ki, bu ərazilər hələ də Avropanın diqqətindədir. Fransanın bu ərazidə siyasəti ondan ibarətdir ki, Komor cəmiyyətini parçalasın”.
O vurğulayıb ki, beynəlxalq ictimaiyyətə bütün bu faktlar barədə məlumat verilməlidir:
“Beynəlxalq birlik Fransaya təzyiq göstərməlidir ki, Fransa bu qanunsuz addımlarını dayandırsın. Bu ədalətsizliyə son qoyulsun”.
Komor səfiri Thabit Ahmed Bakıda Bakı Təşəbbüs Qrupunun təşkilatçılığı ilə Fransanın işğalı altında olan Mayot adasına həsr olunmuş beynəlxalq konfransda çıxışı zamanı deyib ki, biz müstəqil olmaq istəyirik. Fransa komor xalqına qarşı güc tətbiq edərək, onların müstəqillik istəklərini boğmağa çalışır.
Onun sözlərinə görə, Fransadan tələb olunur ki, işğalı dayandırsın.
“BMT tərəfindən Komor müstəqil dövlət olaraq qəbul olunub. Lakin Fransa hazırda yarım əsrdir, qeyri-qanuni şəkildə beynəlxalq hüquqa qarşı çıxaraq öz işğalını davam etdirir”.
