Bu gün dünya miqyaslı böyük boru kəmərinin tikintisinin tamamlandığını BTC layihəsindəki partnyorlar adından elan etmək mənim üçün böyük şərəfdir. Trend in xəbər verdiyi kimi, bu barədə bu gün Bakı-Tbilisi-Ceyhan neft kəmərinin istismara verilməsi münasibətilə Türkiyənin Ceyhan limanındakı təntənəli mərasimdə BP Azerbaijan şirkətinin prezidenti Devid Vudvord bəyan edib.
Onun sözlərinə görə, biz yeni təhlükəsiz enerji və nəqliyyat dəhlizi əldə edirik.
"Əvvəl bu layihə üzrə böyük çətinliklər var idi. Bütün bu çətinlikləri aradan qaldıraraq, neft "Azəri-Çıraq-Günəşli" yatağından BTC boru kəməri ilə limana çatdırıldı və biz layihəni reallaşdırdıq", -deyə o qeyd edib.