Azərbaycan, Şəki, 24 iyun / Trend , müxbir S.Fətəliyev/ Azərbaycanın şimal-qərb bölgəsinə son günlər yağan intensiv yaqışlar Şəki şəhərində içməli suyun verilməsində problem yaradıb və əhaliyə iki gündür su verilmir. "Şəki Su Kanal" Açıq Tipli Səhmdar Cəmiyyətinin direktoru Bayram Məmmədov çərşənbə axşamı Trend -a bildirib ki, yağan güclü yağışlar Şəkinin Kiş çayında suyun həddindən artıq lillənməsinə səbəb olub.
Onun sözlərinə görə, Şəkini su ilə təmin edən çaydan götürülən suyu qısa müddətdə təmizləmək mümkün olmur; 1960-cı ildə tikilən sutəmizləyici stansiyanın gücü çox aşağıdır.
Şəhərdaxili su borularının da istismar müddəti keçdiyindən, külli miqdarda su itkisi olur. Şəhərə içməli suyun verilməsi bu gün bərpa ediləcək.Şəki paytaxt Bakıdan 360 km şimal-qərbdə yerləşir.
Məqalə müəllifi ilə əlaqə ünvanı: [email protected]