Bakı. Trend:
Sərhədçilərimiz dövlət sərhədlərimizin dağlıq və çətin relyefə malik hissəsində xidməti vəzifələrini yüksək peşəkarlıqla yerinə yetirirlər.
Trend xəbər verir ki, tariximizin ən böyük sərkərdəsi, zəfər və qəhrəmanlıq simvolu olan Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin ali diqqət və qayğısını hər an hiss edən sərhədçilərimiz payız fəslində hava şəraitinin kəskin dəyişməsinə baxmayaraq dövlət sərhədlərimizin dağlıq və çətin relyefə malik hissəsində xidməti vəzifələrini yüksək peşəkarlıqla və şərəflə yerinə yetirirlər.
Qarlı yollar və sərt iqlim şəraiti sərhədçilərimizin əzmini zəiflətmir, əksinə, onların qətiyyətini daha da artırır.
Hər bir sərhədçi müqəddəs sərhədlərimizin toxunulmazlığını, ölkəmizin suverenliyini qorumaq uğrunda fədakarlıqla fəaliyyətini davam etdirir, qarşıya qoyulan tapşırıqları layiqincə icra edir.