Azərbaycan, Bakı, 10 fevral /Trend, müxbir E.Mehdiyev/
AFFA-nın prezidenti Rövnəq Abdullayev keçiriləcək seçkidə AFFA prezidenti vəzifəsinə namizədliyini irəli sürüb.
Trend-in AFFA-nın rəsmi saytına istinadən verdiyi məlumata görə, martın 9-da AFFA-nın hesabat-seçki Konfransı keçiriləcək. Konfransda AFFA prezidenti və İcraiyyə Komitəsinin üzvləri seçiləcək.
Qeyd edək ki, AFFA-nın Nizamnaməsinin 41-ci maddəsinin 3-cü bəndinə əsasən, prezident öz namizədliyini irəli sürmək hüququna malikdir.