Bakı. Cani Babayeva - Trend:
Bakıda batut gimnastikası, ikili mini-batut və tamblinq üzrə 28-ci Dünya Yaş Qrupları Yarışlarında 13-14 yaş qadınlar arasında batut üzərində fərdi hərəkətlərdə ABŞ təmsilçisi Aleksandra Mıtnik 53,090 xalla birinci yeri tutub.
Trend-in məlumatına görə, ikinci yeri Rusiya təmsilçisi Sofiya Alyayeva (51.645 xal), üçüncü yeri ABŞ-ı təmsil edən Ava Dehanes (51.090 xal) tutub.
Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışları 32 ölkədən 650 idmançı iştirak edəcək.
Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışacaqlar.
Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər.
Yarışlarda Azərbaycanı 15 gimnast təmsil edəcək. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.