Bakı. Trend:
Azərbaycan çempionu "Qarabağ" növbəti transferini reallaşdırıb.
Trend İdman.biz-ə istinadən xəbər verir ki, Ağdam klubu Aleksey Kaşukla 3 illik müqavilə imzalayıb.
Ukraynalı futbolçu "Qarabağ"a azad agent kimi qoşulub. Onun çıxış etdiyi son klub Donetsk “Şaxtyor”u olub.
“Şaxtyor”un yetirməsi olan Aleksey Kaşuk 2019-2022-ci illərdə icarə əsasında ölkəsində “Mariupol”un, 2022-2023-cü il mövsümündə isə Azərbaycanda “Sabah”ın formasını geyinib. Ukraynanın aşağı yaş qrupu üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.