Bakı. Trend:
UEFA Millətlər Liqasında V turun qarşılaşmaları davam edir.
Trend xəbər verir ki, B Liqasının IV qrupunda mübarizə aparan Türkiyə millisi doğma meydanda Uels yığması ilə üz-üzə gəlib. Gərgin keçən matçda tərəflər qapılara yol tapa bilməyib və oyun qolsuz heç-heçə ilə başa çatıb.
Qarşılaşmanın 89-cu dəqiqəsində Türkiyə millisinin oyunçusu Kərəm Aktürkoğlu penalti zərbəsi ilə hesabı açmaq fürsətini dəyərləndirə bilməyib.
Bu nəticə ilə Türkiyə millisi xallarını 11-ə yüksəldərək qrup liderliyini qoruyub. Uels isə 9 xalla ikinci pillədə qərarlaşıb və liderlik uğrunda mübarizəni davam etdirir.