Bakı. Trend:
Ötən il Maliyyə Nazirliyi tərəfindən 1 illik, 2 illik, 3 illik, 5 illik dövlət istiqrazları emissiya edilmiş, dövlət istiqrazlarının yerləşdirilməsi üzrə 58 hərrac keçirilib və 4,8 milyard manat məbləğində dövlət istiqrazı Bakı Fond Birjasında yerləşdirilib. Tədavüldə olan dövlət istiqrazlarının həcmi 47% artaraq 9,3 milyard manata yüksəlib.
Trend bu barədə Azərbaycan Respublikası Nazirlər Kabinetinin 2024-cü ildə fəaliyyəti haqqında hesabata istinadən xəbər verir.
Məlumata görə, bununla yanaşı, ötən il repo əməliyyatlarının
ümumi məbləği 60,9 milyard manat olub.
“Repo əməliyyatlarının 56,8%-i korporativ qiymətli kağızları,
40,7%-i dövlət istiqrazları və 2,5%-i Mərkəzi Bankın notları ilə
aparılıb. Korporativ qiymətli kağızları ilə repo əməliyyatlarının
həcmi 123 dəfə artım, dövlət istiqrazları ilə repo əməliyyatlarının
həcmi isə 51% azalma, Mərkəzi Bankın notları ilə repo
əməliyyatlarında isə 78% artım müşahidə edilib”, - deyə hesabatda
qeyd edilib