Azərbaycan, Bakı, 15 oktyabr/ Trend , müxbir N.İsmayılova/ Dünya Bankının (DB) rəhbəri dünya ictimaiyyətini bazar və bazar mexanizmlərini yeni qlobal iqtisadiyyata müvafiq müasirləşdirməyə çağırıb.
"ABŞ və bütün dünyanın yaranmış vəziyyətdən çıxmağa çalışdığı bir vaxtda, biz artıq gələcək barədə düşünməliyik", - deyə Beynəlxalq Valyuta Fondu (BVF) və DB -nin Vaşinqtonda keçirilən illik müşavirəsində DB qrupunun rəhbəri Robert Zellik bildirib.
Onun sözlərinə görə, artan iqtisadiyyatlı inkişaf edən ölkələr yeni "iqtisadi artım qütbləri" formalaşdırır ki, bu da onların bərpasına yardım edir və yeni imkanlar açır, lakin eyni zamanda hay - küyə şərait yaradır.
"Qlobal iqtisadiyyatla qarşılıqlı əlaqədə olduqlarından, bu artan iqtisadi mərkəzlər (İnkişafda olan ölkələr) faydalarından istifadə etdikləri qlobal sistemin maraqlı tərəfləri olublar. Onlar dünya iqtisadiyyatının formalaşdırılması üzrə yeni qaydaların hazırlanmasında hansı rolu oynayacaqlarını bilmək istəyir", - deyə Zellikə istinadən, BVF -nin rəsmi saytında yerləşdrilən məlumatda bildrilir.
Zellikin sözlərinə görə, oktyabrda bir çox inkişaf etməkdə olan ölkələr uçuruma gedə bilər. Kapital axını kimi, ixrac həcmlərinin də azalması sərmayə həcmlərinin kəskin azalmasına səbəb olacaq. İqtisadi artım tempinin azalması və maliyyələşdirmə şəraitinin pisləşməsi müəssisələrin müflis olmasını gücləndirəcək və bank sistemində fövqəladə vəziyyətlərin yaranma risklərini sürətləndirəcək.
"Bir sıra ölkələrin ödəmə balansı üzrə böhrana düşmə təhlükəsi yaranacaq. Və həmişə olduğu kimi, onların içərisində ən kasıb ölkələr müdafiəsiz qalacaq", - deyə Zellik bildrib.
DB rəhbərinin sözlərinə görə, yeni çoxtərəfli bazar mexanizmi dünya iqtisadiyyatının sağlam və səmərəli fəaliyyətinə görə ümumi məsuliyyət hissini formalaşdırmalıdır. Bu, hər şeydən əvvəl, o deməkdir ki, iqtisadiyyatın çəkiyə malik payını idarə edən, təkcə dünya iqtisadiyyatından səmərə ələdə etmək deyil, həm də onun dəstəklənməsi üzrə məsuliyyəti paylaşdırmağa hazır olanlar bu mexanizmin tərəfləri olmalıdırlar.
"Biz maliyyə və ticarət üzrə ənənəvi istiqamətlərlə məhdudlaşmayaraq çoxtərəfli iqtisadi mexanizmə yeni təriflər verməliyik", - deyə Zellik bildirib.
Məqalə müəllifi ilə əlaqə ünvanı - [email protected]