Azərbaycan, Bakı, 28 oktyabr/ Trend , müxbir N.İsmayılova/ "Dünya maliyyə böhranı şəraitində Bakı Banklararası Valyuta Birjasında (BBVB) yeni alətlərin tətbiqinə ehtimal azdır", - Birjanın idarəçisi Fərhad Əmirbəyov Trend - a bildirib.
"Birjalar özləri anti-böhran mexnizmləridir. Belə ki, birja meydançasında daha etibarlı hesablamalar, şəffaf sazişlər aparılır", - Əmirbəyov bildirib.
Birjanın rəhbəri hesab edir ki, hazırki vəziyyətdə pul bazarı alətlərinə - hələ ki, BBVB - nin ticarət sistemində istifadə edilməyən valyuta svoplarına tələbat daha çox olmalıdır.
Böhranlı vəziyyətin ölkənin bank sektoru tərəfindən kreditləşdirmənin həcminə təsir göstərsə də, mərkəzləşdirilmiş kredit bazarında artım müşahidə olunur.
"Hələ ki, BEST ticarət sistemində qeydiyyata alınan sazişlərin həcmində xüsusi azalma müşahidə etməmişik, - Əmirbəyov bildirib. - Əksinə, ötən illə müqayisədə, bu il böyük artım qeydə alınır".
BBVB bütün iştirakçıların eyni dərəcədə çıxışının və çox sayda alətlərin olduğu vahid, səmərəli fəaliyyət göstərən yüksək texnologiyalı daxili pul bazarını formalaşdırır. Ölkədə fəaliyyət göstərən bankların təxminən yarısı bu gün banklararası kreditləşdirmə bazarında fəal ticarət aparır.Onlar təşkil edilmiş pul bazarında əməliyyat və szişlərin həcmini dinamik surətdə artırırlar. Hər sazişin orta həcmi 1,5-2 mln. manat təşkil edir, 60 günədək borclanmalara tələbat daha yüksəkdir. "Pul və eləcədə də banklararası kreditlər bazarı banklara likvidliyi səmərəli idarə etmək imkanı verən vacib alətə çevrilib", - BBVB - nin rəhbəri bildirib.
Bakı Banklararası Valyuta Birjası Milli Bank, Beynəlxlaq, Əmanət, Sənaye - İnvestisiya və Aqrar Sənaye banklari tərəfindən 1993 - cü il iyulun 26 - da təsis edilib.
Müəlliflə əlaqə saxlamaq üçün elektron ünvan: [email protected]