Azərbaycan, Bakı, 29 fevral / Trend / Azərbaycanın Rabitə və İnformasyia Texnologiyaları Nazirliyinin "Baktelekom" İstehsalat Birliyi mərkəzləşdirilmiş təmir bürosu -122 Xidmətini istifadəyə verib.
Xidmət bütün Bakı ərazisini əhatə edir və analoji, eləcə də elektron ATS abunəçiləri bu Xidmətdən yararlana bilərlər.
122 nömrəsini yığmaqla, abonent mərkəzləşdirilmiş təmir bürosu Xidmətinə müraciət edə bilər.
Zənglər bütünlüklə elektronlaşdırılmış sistemə daxil olur və avtomatik cavab sisteminə ötürülür. Lazım olduğu təqdirdə. zənglərin operatora da ötürülməsi mümkündür. Bu xidmət sayəsində operatorlar daxil olan zənglərin təxminən 10 faizini qəbul edirlər, zənglərin 80-90 faizi isə, avtomatik cavablandırılır.