Bakı. Trend:
Daha bir Şimali Koreya hərbiçisi sərhədi aşaraq Cənubi Koreya ərazisinə keçib.
Trend-in məlumatına görə, bu barədə Koreya Respublikası Silahlı Qüvvələri Qərargah Rəisləri Komitəsinin yaydığı xəbərdə bildirilir.
Şimali Koreya ordusunun əsgəri dumanlı hava şəraitindən istifadə edərək Cənubi Koreyanın nəzarət-keçid məntəqəsinə keçib və orada Cənubi Koreya hərbiçiləri tərəfindən saxlanılıb.
Hadisə ilə bağlı Cənubi Koreya tərəfi müvafiq araşdırmalar aparır.