Bakı. Trend:
Türkiyə Prezidenti Rəcəb Tayyib Ərdoğan Qazaxıstan Prezidenti Kasım-Jomart Tokayevə Türkiyə istehsalı olan TOGG elektromobili hədiyyə edib.
Trend cümə günü xəbər verir ki, Qazaxıstan Prezidenti həmkarına təşəkkür edərək onu elektromobillərin uğurlu seriya buraxılışı münasibətilə təbrik edib.
Qeyd edək ki, noyabrın 3-də Qazaxıstanın paytaxtı Astanada Türk Dövlətləri Təşkilatının (TDT) "Türk əsri" şüarı altında 10-cu yubiley sammiti keçirilib. Sammitdə həmçinin Türkiyə Respublikasının Prezidenti Rəcəb Tayyib Ərdoğan iştirak edib.
(Tərcümə: Rəna Əbdürəhmanova)