Bakı. Trend:
Gəncə şəhərinin Müseyib bağırov küçəsi və N.Gəncəvi prospektinin kəsişməsində zəncirvari qəza olub.
Trend ARB Kəpəz-ə istinadən xəbər verir ki, hadisə "VAZ 2102", "VAZ 21099", "Hyundai", "Qazel" və "Qaz 24" markalı avtomobillərin toqquşması nəticəsində baş verib.
Qəza işıqforlu yol kəsişməsində qeydə alınıb. Hadisə yerinə təcili-tibbi yardım briqadası cəlb edilib. Xəsarət alan azyaşlı sərnişin və "VAZ 2102"-nin sürücüsü - 78 yaşlı Gəncə sakini Yusif Məmmədov xəstəxanaya yerləşdiriliblər. Avtomobillərə ciddi ziyan dəyib.