Bakı. Trend:
Ağstafa və Göyçay rayonlarında yanğın hadisəsi baş verib.
Bu barədə Fövqəladə Hallar Nazirliyindən Trend-ə məlumat verilib.
Ağstafa rayonunda ümumi sahəsi 400 m² olan ikimərtəbəli evin 2-ci mərtəbəsinin tavanı və dam örtüyünün yanar konstruksiyaları 80 m² sahədə yanıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Göyçay rayonunda ümumi sahəsi 150 m² olan birmərtəbəli evin mətbəxinin tavanı 10 m² sahədə yanıb, qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.