Azərbaycan, Bakı, 10 oktyabr / Trend , müxbir S.Kazımlı/ Azərbaycana satış məqsədi ilə narkotok maddələr gətirən İran İslam Respublikasının vətəndaşları tutulublar.
Daxili İşlər Nazirliyinin mətbuat xidmətindən cümə günü Trend -a verilən məlumata görə, nazirliyin Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində İran vətəndaşları Əhli Germi Rəhman Rəsul oğlundan, Gülzadə Bəhman Əvəz oğlundan və İqbali Mahmud Rüstəm oğlundan satış məqsədi ilə respublikamıza gətirdikləri 501 qram heroin, İqbali Mahmud Rüstəm oğlundan əlavə 21,65 qram tiryək cümə axşamı aşkar edilərək götürülüb.
Faktla bağlı araşdırma aparılır.
Məqalə müəllifi ilə əlaqə ünvanı: [email protected]