Azərbaycan, Gəncə, 15 oktyabr / Trend , müxbir V.Məmmədov/ Saat 10:00-a olan məlumata görə, Gəncədə (paytaxt Bakıdan 365 kilometr aralı) seçicilərin 13,47 faizi seçkilərdə iştirak edib. Bu barədə məlumatı Trend -a Gəncədə fəaliyyət göstərən 4 Dairə Seçki komissiyalarından veriblər.
Gəncədə 20 096 nəfər seçkilərdə iştirak edib ki, bu da ümumi seçicilərin 13,47 faizini təşkil edir. Ən çox fəallıq 40 saylı Kəpəz ikinci Dairə Seçki Komissiyasında müşahidə olunur.
Dairələrdən verilən məlumata görə, Gəncədə olan 37, 38, 39 və 40 saylı Dairə Seçki Komissiyasında 112 məntəqə üzrə 149,155 seçici qeydiyyatdadır.
Dairələrdən verilən məlumata görə, Gəncədə 1319 yerli müşahidəçi qeydiyyata alınıb ki, onlardan da 610 nəfəri siyasi partiyaların nümayəndələri, 424-nəfəri QHT nümayəndələridir. 285 nəfəri isə öz təşəbbüsü ilə seçkiləri izləyəcək.
Bu günə olan məlumata görə, dairələrdən 2208 nəfərə qeydiyyatdan çıxma vəsiqələri verilib.
Məqalə müəllifi ilə əlaqə ünvanı: [email protected]