...

Qənirə Paşayeva İsraildə Xocalı soyqırımından danışacaq

Siyasət Materials 27 Fevral 2012 13:22 (UTC +04:00)

Azərbaycan, Bakı, 27 fevral / Trend müxbir M.Əliyev/

Azərbaycanın millət vəkili Qənirə Paşayeva İsraildə Xocalı soyqırımından danışacaq.

Trend-in məlumatına görə, bu gün İsrailin Netanya şəhərində Xocalı soyqırımına həsr edilən "İsrail-Azərbaycan - strateji ittifaq" adlı elmi praktiki konfrans keçiriləcək. Konfrans İsraildə fəaliyyət göstərən Azərbaycan diasporu - "İsrail-Azərbaycan" Beynəlxalq Assosasiyası və Netanya Strateji Dialoq Mərkəzi tərəfindən təşkil edilir.

Konfransda İsrail Knessetinin deputatları, İsrail XİN-in nümayəndələri, alimlər, görkəmli ictimai xadimlər, İsraildə akkreditə olmuş diplomatik nümayəndəliklərin rəhbərləri, ali təhsil ocaqlarının və strateji mərkəzlərin aparıcı mütəxəssisləri, həmçinin Azərbaycan diasporunun nümayəndələri iştirak edəcəklər.

Azərbaycanı bu konfransda millət vəkili Qənirə Paşayeva təmsil edir. Millət vəkili həmçinin İsrail Knessetinin deputatları, KİV nümayəndələri ilə görüşlər keçirəcək.

Xəbər lenti

Xəbər lenti