Bakı. Trend:
Paytaxt məktəblisi kombat ciu-citsu idman növü üzrə Avropa çempionatında I yerə layiq görülüb.
Bu barədə Trend-ə Bakı Şəhəri üzrə Təhsil İdarəsindən (BŞTİ) məlumat verilib.
BŞTİ-nin tabeliyindəki 55 nömrəli tam orta məktəbin VI sinif şagirdi Xədicə Baxışlı Ukraynada keçirilən çempionatda 14-15 yaşlı qızlar arasında 47 kiloqram çəki dərəcəsində bütün rəqibləri üzərində qələbə qazanıb.
X.Baxışlı diplom və medalla təltif olunub.
Qeyd edək ki, X.Baxışlı 2015, 2016 və 2017-ci illərdə kombat ciu-citsu idman növü üzrə Bakıda təşkil olunan beynəlxalq turnirlərdə I yeri tutub.