Bakı. Trend:
Bu gün Azərbaycan çempionu "Sabah" FİBA Çempionlar Liqasının təsnifat mərhələsində ilk oyununa start verəcək.
Trend İdman.biz-ə istinadən xəbər verir ki, çempionumuzun rəqibi İsveçin "Norçepinq Dolfins" klubu olacaq.
Qarşılaşma Türkiyənin Antalya şəhərində, Bakı vaxtı ilə saat 17:30-da başlayacaq.
Qeyd edək ki, "Sabah" - "Norçepinq Dolfins" cütünün qalibi sentyabrın 19-da keçiriləcək yarımfinalda İsveçrənin "Friburq" klubu ilə üz-üzə gələcək.