Bakı. Trend:
Sahibkarlığın İnkişafı Fondu “Nobel Boya və Kimya” MMC-yə güzəştli kredit verib.
Trend-in bazar ertəsi verdiyi məlumata görə, bu barədə Azərbaycanın iqtisadiyyat naziri Mikayıl Cabbarov özünün "Twitter" səhifəsində yazıb.
“Sahibkarlığın İnkişafı Fondu tərəfindən boya istehsalının genişləndirilməsi layihəsi üçün “Nobel Boya və Kimya” MMC-yə 850 min manat güzəştli kredit ayrılıb”, - nazir bildirib.
Xatırladaq ki, Sahibkarlığın İnkişafı Fondu 2022-ci ildə 2726 investisiya layihəsini maliyyələşdirib. Ümumilikdə, Fond tərəfindən 145,9 milyon manat məbləğində güzəştli kreditlər verilib.