...

"HeidelbergCement" Azərbaycana sement ixracını artırmaq niyyətindədir

Biznes və iqtisadiyyat xəbərləri Materials 15 Oktyabr 2008 17:32 (UTC +04:00)

Gürcüstan, Tbilisi, 15 oktyabr / Trend , müxbir N.Kirtsxaliya/ Almaniyanın iri sement istehsalçılarından biri olan "HeidelbergCement" şirkəti yeni tərəfdaşlar axtarışı hesabına Azərbaycan bazarında məhsul satışını artırmaq niyyətindədir. Yeni tərəfdaşların axtarışı "Baku Build" sərgisində iştirak çərçivəsində mümkün olacaq.

Tbilisidə Trend ın xüsusi müxbirinə verilən məlumata görə, Gürcüstanın "HeidelbergCement" zavodu ildə iki mln. ton sement istehsal edir, bu həcmin yarısı Azərbaycana ixrac olunur.

"Şirkət rəhbərliyi Azərbaycan bazarında böyük perspektiv görür, bunun üçün sərgidə iştirak etmək və məhsulların satılması üçün yeni tərəfdaşlar axtarmaq niyyətindədir", - deyə "HeidelbergCement"dən bildiriblər.

Şirkət, istehsal gücü ildə iki mln. ton olan yeni zavodun tikintisi hesabına, Gürcüstanda sement istehsalını genişləndirmək niyyətindədir. Müəssisənin altı ay ərzində tikilməsi nəzərdə tutulur. Zavodun tikintisinə yatırılacaq sərmayələrin həcmi açıqlanmır.

"Iteca Caspian" şirkəti tərəfindən təşkil olunan "Baku Build" sərgisi gələn həftə Bakıda keçiriləcək.

"HeidelbergCement"in əsas səhmdarı Almaniyanın "Spohn Cement" (75 faiz iştirak payı) şirkətidir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti