Azərbycan, Bakı, 02 oktyabr/ Trend , müxbir E.İsmayılov/ "Bazanın layihəsini hazırlayan Azərbaycanın Encotec layihələndirmə şirkəti oktyabrın 8 - də görülən işlər haqqında hesabat təqdim etdikdən sonra, SOCAR şirkətinin (Azərbaycanın Dövlət Neft Şirkəti) Gürcüstanda yeni neft bazasının tikintisinin başlayacağı müddət müəyyən ediləcək", - SOCAR Georgia şirkətinin rəhbəri Mahir Məmmədov cümə axşamı bildirib.
SOCAR Georgia-nın həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.
"Gələn çərşənbə biz hesabatı təqdim edəcək şirkətin nümayəndələri ilə görüşəcəyik və bundan sonra tikinti işlərinin başlayacağı müddət müəyyən ediləcək", - Məmmədov telefonla bildirib.
Neft bazasının tikintisi layihəsi $15 mln. qiymətləndirilir. SOCAR Georgia gələn ilin sonunadək bazanın tikintisini başa çatdırmaq niyyətindədir.
Neft bazası Tbilisi beynəlxalq hava limanı yaxınlığında, Kiziki küçəsində tikiləcək. Tikinti işlərinin həyata keçirilməsi üçün ötən il şirkət təxminən $3 mln.-a beş ha torpaq sahəsi alıb. Yeni obyektin çənləri yerli bazarda realizə ediləcək 20 min tonadək neft məhsulları, o cümlədən mayeləşdirilmiş qaz saxlamağa imkan verəcək.
Bu bazada benzinin müxtəlif
növləri, kerosin, bitum, mayeləşdirilmiş qaz və
mazut saxlanılacaq.
Encotec (Engineering and Consulting Technologies)
şirkəti - mühəndis layihə xidmətləri,
layihələrin idarə edilməsini, tikinti və tikinti - montaj
işlərinin müşahidəsini, həmçinin, obyektin
qurulması və istismara verilməsini təqdim edən
mühəndis şirkətidir.
Müəlliflə əlaqə saxlamaq üçün elektron ünvan: [email protected]