Azərbaycan, Bakı, 07 oktyabr / Trend / Azərbaycan cari ilin yanvar-sentyabrında ötən ilin analoji dövrünün təqribən 6,7 mlrd. kubmetrinə nisbətdə təxminən 8 mlrd. kubmetr təbii qaz əldə edib. Bu barədə SOCAR-ın (Azərbaycan Dövlət Neft Şirkəti) məlumatında bildirilir. Sentyabrda dövlətə 931,52 mln. kubmetr təbii qaz təhvil verilib.
Yanvar-sentyabrda "Azəriqaz" Qapalı Səhmdar Cəmiyyəti sisteminə (Azərbaycan ərazisində qazın paylanması ilə məşğul olur ) 4,2 mlrd. kubmetrdən çox qaz daxil olub. Bu göstərici 2007-ci ilin analoji dövründə 4,6 mlrd. kubmetrdən çox təşkil edib. Sentyabrda "Azəriqaz"a təqribən 490,75 mln. kubmetr qaz verilib. Paylayıcı şəbəkəyə qaz tədarükü üzrə bu il üçün proqnozlar 5,7 mlrd. kubmetri ötür.
Yanvar-sentyabrda yanacaq qismində istifadə üçün "Azərenerji" Səhmdar Cəmiyyətinə təqribən 3,5 mlrd. kubmetr qaz verilib ki, bu göstərici ötən ilin analoji dövründə 2 mlrd. kubmetrə bərabər olub. Sentyabrda "Azerenerji"yə 398,52 mln. kubmetr təbii qaz verilib. SOCAR-ın məlumatında bildirilir ki, proqnozlara əsasən, "Azərenerji" 2008-ci ildə 5,557 mlrd. kubmetr qaz alacaq.