Avstriya, Vyana, 24 oktyabr / Trend , müxbir A.Ələsgərov/ OPEK cümə günü Vyanada keçirilən iclasında neft hasilatını beş faiz (sutkada 1,5 mln. barr.) azaldaraq, 27,3 milyon barelə endirmək barədə qərar qəbul edib. Bu barədə Trend -ın kartelin iclasında iştirak edən xüsusi müxbiri xəbər verib.
Kartel sədri və Əlcəzairin energetika naziri Şəkib Xəlilin sözlərinə görə, bu qərar neft bazarının pisləşməsinə görə qəbul olunub. OPEK sədri bildirib ki, bunun əsas səbəbləri təlabat çatışmazlığı və alıcıya təsir edə biləcək maliyyə vəziyyətinin olmamasıdır.
OPEK-in növbədənkənar iclası son aylar ərzində bir barel üçün 80 dollardan aşağı olan neftin dünya qiymətlərinin stabilləşdirilməsi məqsədi ilə keçirilib.
OPEK sədrinin əvvəllər bildirdiyinə görə, neftin ən ideal qiyməti bir barelə görə, 70 -90 dollardır.
Məqalə müəllifi ilə əlaqə ünvanı: [email protected]