...

Azərbaycan IP-TV-nin işə salınması üçün kontenti leqallaşdırır

Telekommunikasiya Materials 24 Fevral 2012 14:50 (UTC +04:00)

Azərbaycan, Bakı, 24 fevral /Trend, müxbir H.Vəliyev/

Azərbaycanın dövlət rabitə operatorları "Aztelekom" və "Bakı Telefon Rabitəsi" IP-TV şəbəkəsində yenidən translyasiya üçün populyar televiziya kanallarının siyahısını "Teleradio" İstehsalat Birliyinə (İB) təqdim edib. Bu barədə cümə günü Trend-ə İB-dən bildiriblər.

"Teleradio" operator şəbəkələrində yenidən translyasiyaya görə rəsmi hüquqların əldə edilməsi üçün bu kanalların sahibləri ilə artıq danışıqlara başlayıb.

Operatorların IP-TV şəbəkələrində istifadəsi mümkün olacaq kanalların ümumi sayı 60 ədəd təşkil edəcək, onların 12-si sosial paketə (yerli telekanallar) daxil olan kanallar olacaq.

IP-TV xidmətlərinin işə salınması üçün operatorlar və "Teleradio" İB avadanlıq istehsalçılarına artıq müraciət ediblər. Avadanlıqların tədarükü yaxın 2 ayda gözlənilir.

Artıq bu il operator şəbəkələrində "Video on Demand" (sifariş üzrə video), interaktiv televiziya, HD formatında kanalların yayımlanması və s. mümkün olacaq.

Xəbər lenti

Xəbər lenti