Bakı. Trend:
ABŞ-ın Qüdsü İsrailin paytaxtı kimi tanıması qərarı ilə bağlı Fələstin beynəlxalq məhkəməyə müraciət edəcək.
Trend-in məlumatına görə, bunu Fələstinin Rusiyadakı səfiri Əbdül Hafiz Nofəl deyib.
O qeyd edib ki, Fələstin rəhbərliyi bununla bağlı bütün zəruri addımları atacaq.
Səfir həmçinin vurğulayıb ki, Fələstin ABŞ-ı artıq İsrail-Fələstin sülh prosesinin tərkib hissəsi hesab etmir.
Qeyd edək ki, dekabrın 6-da ABŞ Prezidenti Donald Tramp Qüdsü İsrailin paytaxtı kimi tanıdığını elan edib.