Bakı. Trend:
Kataloniyada növbədənkənar parlament seçkilərində səsvermə başa çatıb.
Trend-in "RİA Novosti"yə istinadən verdiyi məlumata görə, səsvermə günü ümumilikdə 2680 seçki məntəqəsi yerli vaxtla saat 09:00-dan 20:00-dək fəaliyyət göstərib.
Məlumata əsasən, gün ərzində seçki məntəqələrində növbələr yaranıb. Səsvermə zamanı hər hansı ciddi qanun pozuntusunun olmadığı bildirilir.
Qeyd edək ki, Kataloniya 5,55 milyon insan səsvermə hüququna malikdir. Onlardan 226 mini xaricdə yaşayır.