Bakı. Trend:
Naxçıvan şəhərində yol-nəqliyyat hadisəsi qeydə alınıb.
Trend-in məlumatına görə, Sərxan Babayevin idarə etdiyi 75-BN-561 dövlət nömrə nişanlı "Toyota Prius" markalı avtomobil yolu keçmək istəyən piyadalar - 2006-cı il təvəllüdlü Quliyeva Gülsüm İlqar qızını, Quliyeva Dərya Səməd qızını, İsayeva Əfsanə İsa qızını və 2005-ci il təvəllüdlü Tağıyeva Xanımzərini vurub.
Yaralılar dərhal Naxçıvan Muxtar Respublika Xəstəxanasına çatdırılıb. Gülsüm Quliyevanın vəziyyətinin ağır olduğu bildirilir və o, reanimasiya şöbəsinə yerləşdirilib.
Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır.