Gürcüstan, Tbilisi, 13 oktyabr/ Trend , müxbir N.Kirtsxaliya/ Gürcüstan Sərhəd Polisi Avropa İttifaqı ölkələri ilə münasibətləri dərinləşdirəcək və əməkdaşlığın yeni mərhələsinə keçəcək. Gürcüstan Sərhəd Polisindən verilən məlumata görə, bu əməkdaşlığın dərinləşdirilməsi çərçivəsində, sərhəd fəaliyyətinə dair Gürcüstan - Latviya sazişi imzalanacaq.
Gürcüstan Sərhəd Polisinin rəhbəri, general - leytenant Badri Bitsadze sazişi imzalamaq üçün oktyabrın 13 - də Riqaya üçgünlük səfər edəcək.
Saziş sərhədçilərin təlimi, sərhəd - buraxılış məntəqələrinin fəaliyyəti, qanunsuz miqrasiya ilə mübarizə, operativ- istintaq tədbirlərinin görülməsi sahələrində əməkdaşlığı nzərdə tutur.
Latviya tərəfi kinologiya xidməti və Avropa standartlarına müvafiq kriminalistik labaratoriyaların yaradılması istiqamətində də Gürcüstana yardım göstərəcək.
Məqalə müəllifi ilə əlaqə ünvanı - [email protected]