Bakı. Trend:
İsrail-Fələstin münaqişəsində Qərbin ikili standartlarının şahidi oluruq.
Trend xəbər verir ki, bu sözləri Trend BİA-nın baş direktorunun müavini, "Türk Dünyası" (Turkic.World) media platformasının rəhbəri, siyasi şərhçi Rufiz Hafizoğlu BAKU TV-ə açıqlamasında deyib.
R.Hafizoğlu onu da vurğulayıb ki, Qərbin ikili standartları Yaxın Şərqdəki münaqişənin daha da alovlanmasına səbəb olur.
Onun sözlərinə görə, Türkiyə Fələstin problemində bir çox ərəb dövlətindən daha qətiyyətli mövqe nümayiş etdirib.
Münaqişənin gedişatına münasibət bildirən ekspert qeyd edib ki , İsrail HƏMAS-ı məğlub etsə belə, Qəzzada hakimiyyəti ələ ala bilməsi mümkün deyil.