İyulun 6-da Tbilisidə Gürcüstan DİN və Avro-Atlantinq Məsləhət Qrupu tərəfindən təşkil olunmuş GUAM-ın rüşvətxorluq əleyhinə konfransı başlayıb.
Azərbaycan DİN-dən Trend ə verilən məlumata əsasən, konfransda Azərbaycan, Ukrayna və Moldova daxili işlər nazirliklərinin rüşvətxorluq əleyhinə xidmətləri və baş prokurorluqların vəzifəli şəxsləri iştirak edir.
İki günlük konfrans zamanı rüşvətxorluğun regiona təsiri, hüquq-mühafizə orqanlarında rüşvətxorluqla mübarizənin Avropa modeli, GUAM ölkələri rüşvətxorluq əleyhinə milli xidmətlərinin fəaliyyəti kimi məsələlər müzakirə olunub. Hüquq-mühafizə orqanlarında milli strategiya və fəaliyyət planı önə çəkilib.
Görüşdə həmçinin ATƏT və Cənubi-Şərqi Avropa Əməkdaşlıq Təşəbbüsünün ekspertləri, eləcə də ABŞ, Britaniya, Almaniya, Macarıstan, Rumıniya ekspertləri də iştirak edir.