Azərbaycan, Bakı, 12 iyun /TrendLife Vüqar İmanov/
"Füzuli yaradıcılığının bilicisi Həkim Qəni kimi insan çox güman ki, neçə illərdən sonra gələcək. O, Füzuli qəzəllərinin bir çoxunu əzbər bilirdi. Gözəl şəxsiyyət, söz ustasının Azərbaycan mədəniyyətinin və muğamının inkişafında böyük rolu var",-bu sözləri TrendLife-la söhbətində xalq artisti Canəli Əkbərov söyləyib.
Çox acınacaqlıdır ki, bu insanın sağlığında onu heç bir telekanallara dəvət etmirdilər, qəzetlər qəzəlxanın həyat və yaradıcılığı haqqında heç nə yazmırdı.
Həkim Qəni 1918-ci ildə Bakıda anadan olub. İxtisasca həkim olan Qəni İkinci Dünya Müharibəsinin iştirakçısı olub, 25 il hərbi həkim vəzifəsində çalışıb, polkovnik rütbəsi ilə istefaya çıxıb. Qəni gənc yaşlarından poeziya ilə maraqlanıb, ilk şerini isə 30-cu illərdə yazıb. Qəzəlxan 12-dən çox kitabın müəllifi olub. Füzulinin 100-dən çoxu qəzəllərini rus dilinə tərcümə edib.
İyunun 10-da qəzəlxan Bakıda dünyasını dəyişib.
Allah Rəhmət Eləsin!