Azərbaycan, Bakı, 5 avqust /Trend, müxbir T.Hacıyev/
Bakıda şahmat üzrə "Baku Open-2011" beynəlxalq turniri keçiriləcək. Bakı şəhər Gənclər və İdman Baş İdarəsinin mətbuat katibliyindən cümə günü Trend-ə verilən məlumata görə, tədbiri Gənclər və İdman Nazirliyi Azərbaycan Şahmat Federasiyası ilə birgə təşkil edir.
Avqustun 6-da saat 10:00-da Respublika Şahmat Mərkəzində C qrupu üzrə oyunların açılış mərasimi keçiriləcək. A və B qrupları üzrə oyunlarının açılış mərasimi isə sabah saat 15:00-da Novxanı qəsəbəsində "AF HOTEL"-də baş tutacaq.