"Test sisteminin təkmilləşdirilməsinə ehtiyac var". Trend xəbər verir ki, bu barədə Milli Məclisin elm və təhsil komissiyasının sədri Şəmsəddin Hacıyev bildirib.
Ş.Hacıyev onu da vurğulayıb ki, bu detallar barədə qısaca danışmaq çətindir: "Biz düşünürük ki, abituriyentlərin seçdiyi ixtisasların həcmi artırılmalıdır. Abituriyent üçün daha geniş seçim imkanı yaradılmalıdır". Komissiya sədri hesab edir ki, test suallarının tərtib edilməsində də müəyyən dəyişiklik edilməlidir. Bundan əlavə, test sisteminin təkmilləşdirilməsilə əlaqədar bəzi texniki təkmilləşdirmələr də nəzərdə tutulub: "Məsələn, qanunda qiymətlərin elan olunmasının tezləşdirilməsi öz əksini tapa bilər".
Ş.Hacıyev "Təhsil haqqında" qanun qəbul edildikdən sonra təhsil sahəsində daha 17 qanunun qəbul ediləcəyini qeyd edib: "Bu sırada "Ali təhsil haqqında", "Elm və elmi texnika sahəsində dövlət siyasəti haqqında" və digər qanunlar olacaq".
Trend-in ən mühüm və maraqlı xəbərlərini "Telegram"da izləyin
.jpg)
