Azərbaycan, Bakı, 8 oktyabr / Trend müxbir S.Babayeva/ Kənd Təsərrüfatı Nazirliyi yanında Dövlət Baytarlıq Xidmətinin mətbuat katibi Yolçu Xanvəli bildirib ki, köçəri quşların miqrasiyası payızda fəal olduğundan quş qripi ilə bağlı ilk monitorinq noyabrın birinci həftəsinə təyin olunub.
Monitorinq 15 gün davam edəcək. Cari ildə keçirilən 4 monitorinq zamanı 7 min ev və çöl quşlarının qan nümunələri və patoloji materiallar tədqiq olunub.
Yeni monitorinq Abşeron yarımadasını, Dəvəçi, Salyan, Ağcabədi, Lənkəran rayonlarındakı milli park və qoruqları, Xəzərin sahil zolağını əhatə edəcək.
Ötən il Dövlət xidməti tərəfindən 12 müvafiq tədbir keçirilib və 8 min ev və çöl quşlarının qan nümunələri tədqiq olunub. Nümunələrdən heç birində virus daşıyıcısı aşkar edilməyib.
Müəlliflə əlaqə saxlamaq üçün elektron ünvan: [email protected]