Azərbaycan, Bakı, 27 oktyabr/ Trend / İctimai Maliyyələrin Monitorinqi Mərkəzi (İMMM) Dövlət İqtisadi Universitetində yeni "Dövlət maliyyələrinə həsr olunmuş terminlər lüğəti" kitabının təqdimatını keçirib. Kitab Azərbaycan dilində buraxılıb, ingilis dilinə tərcümə ilə müşaiyət olunur. O maliyyələr üzrə mütəxəssislər, tələbə və alimlər üçün nəzərdə tutulub.
Kitab, Black Sea Trust for Regional Cooperation təşkilatının yardımı ilə iqtisad elmləri doktoru İnqibal Əhmədovun başçılıq etdiyi müəllif qrupu tərəfindən hazırlanıb. Layihənin məqsədi bu sahədə ictimai maliyyələrin terminalogiyası sahəsində biliklərin dərinləşdirilməsi və iqtisadiyyatla bağlı terminlərin düzgün qavranılmasına yardımdır. Hazırda İMMM lüğətin müxtəlif hökumət və qeyri-hökumət təşkilatları, həmçinin kitabxanalara yayılmasına başlayır.
Kitab pulsuz yayılır, onu mərkəzin ofisindən əldə etmək olar.