Azərbaycan, Bakı, 2 may /Trend, müxbir A.Axundov/
Beynəlxalq Valyuta Fondu (BVF) Azərbaycana pensiya islahatları ilə bağlı texniki kömək göstərəcək. Trend-in məlumatına görə, bu barədə çərşənbə günü Bakıda BVF-nin Yaxın Şərq və Mərkəzi Asiya Departamentinin şöbə müdirinin müavini Nadim İlahi missiyanın yekunlarına həsr edilmiş mətbuat konfransında bildirib.
Onun sözlərinə görə, bununla yanaşı, BVF pensiya sahəsində ixtisaslaşan təşkilat deyil.
"Lakin biz müxtəlif ölkələrdə pensiya islahatlarının tətbiqi sahəsində böyük təcrübəyə malikik və müvafiq strategiyanın seçilməsi ilə bağlı müxtəlif varinatlar təklif edə bilərik" , - İlahi deyib.