Azərbaycan, Bakı, 06 fevral/ Trend / Azərbaycan prezidenti İlham Əliyev fevralın 5-də, dekabrın 12-də Bakıda Azərbaycan və İtaliyanın İqtisadi İnkişaf nazirlikləri arasında imzalanan təbii qaz sektorunda əməkdaşlıq haqqında protokolu təsdiq edib.
Protokola əsasən, Azərbaycan qazı Türkiyə-Yunanıstan-İtaliya dəhlizi çərçivəsində Türkiyə vasitəsilə Yunanıstan və İtaliyaya nəql ediləcək. İtaliyalı nazir Pyer Luici Bersaninin sözlərinə görə, 2012-ci ilədək Azərbaycandan Avropaya təxminən 8 mlrd. kubmetr qaz ixrac ediləcək.
İtaliyalı nazirin protokolun imzalanması zamanı söylədiyi kimi, İtaliya ən böyük təbii qaz istehlakçısıdır. "Azərbaycanla əməkdaşlıq İtaliyaya qaz ixracı imkanlarını genişləndirəcək" - nazir bildirib.