Azərbaycan, Bakı, 15 may /Trend, müxbirlər E.Mehdiyev, V.İmanov/
Portuqaliyanı "Eurovision 2012" mahnı müsabiqəsində təmsil edən Filipa Sousa Bakının müasir görünüşünə heyran olduğunu deyib.
Trend-in məlumatına görə, "Bakı Kristal Zalı"nda ilk məşqindən sonra keçirdiyi mətbuat konfransında Sousa bu mötəbər yarışmada öz ölkəsini təmsil etməkdən qürur duyduğunu vurğulayıb.
O, musiqi ilə öz hisslərini tamaşaçı auditoriyasına çatdırmağa çalışdığını deyib.
"Zənnimcə, musiqini təkcə eşitmək yox, onu hiss etmək və yaşamaq lazımdır. Hər bir gənc müğənni "Eurovision" mahnı müsabiqəsində iştirak etmək istəyir. Səhnəyə daxil olduğum zaman buradakı işıq və səs effektinə heyran oldum", - portuqaliyalı təmsilçi qeyd edib.
Filipa Sousa ölkəsini bu möhtəşəm yarışmada layiqincə təmsil edəcəyinə söz verib.