Bakı. Trend:
Enerji Bazarını Tənzimləmə Təşkilatı (EPDK), Türkiyə Respublikası Dövlət Dəmir Yollarına (TCDD) dəmir yolu ilə mayeləşdirilmiş neft qazının (LPG) daşınması fəaliyyətini həyata keçirmək üçün lisenziya verib.
Trend-in TurkicWorld-ə istinadən məlumatına görə, Türkiyə avtoqaz istehlakı, avtoqaz vasitələri və stansiyalarının sayı baxımından dünyanın ən böyük LPG bazarlarından biridir.
Türkiyədə LPG bazarında 45 ayrı lisenziyalı şirkət fəaliyyət göstərir. Lisenziya sahiblərindən 39-u boru kəməri, 5-i isə dəniz nəqliyyatı sahəsində fəaliyyətini davam etdirir.
Bu çərçivədə, TCDD, bu sahədə ilk olmaq və dəmir yolu ilə LPG daşımalarını həyata keçirmək üçün lisenziya üçün EPDK-ya müraciət edib. Lazımi müayinə və qiymətləndirmələrdən sonra EPDK TCDD-yə LPG-nin dəmir yolu ilə daşınması üçün lisenziya verib. Beləliklə, Türkiyədə ilk dəfə dəmir yolu ilə LPG daşınmasına lisenziya verilib.
Daşıma lisenziyası çərçivəsində TCDD, 60 min 83 ton yükgötürmə qabiliyyətinə malik 966 vaqonla bütün ölkəyə nəqliyyat xidmətləri göstərə biləcək. Sözügedən addımın Türkiyə iqtisadiyyatına və LPG sektoruna böyük töhfə verəcəyi gözlənilir.